Kryetari i Komunës së Lipjanit, Imri Ahmeti gjatë ditës së sotme ka nënshkruar marrëveshje bashkëpunimi me organizatën Qatar Charity për projektet e ardhshme që do të jenë në të mirën e qytetarëve të Komunës së Lipjanit.
Gjatë nënshkrimit të këtij bashkëpunimi, Kryetari Imri Ahmeti ka falënderuar përfaqësuesin organizatës Qatar Charity Khalid Abdulla M H Alyafei, për gatishmërinë që kanë treguar që një kohë për ti ndihmuar qytetarët.
Nga ana tjetër, Khalid Abdulla M H Alyafei, ka falënderuar Kryetarin Imri Ahmeti për bashkëpunimin e mirë dhe korrekt që treguar deri më tani.
Ndryshe, Komuna e Lipjanit viteve të fundit ka bashkëpunuar ngushtë me organizatën Qatar Charity, bashkëpunim i cili do të vazhdojë edhe në të ardhmen.
