Moti për javën që vjen

Kosova

Moti për javën që vjen

Më: 24 tetor 2021 Në ora: 12:29
Foto ilustrim

Java e fundit e tetorit me mot më stabil, me diell dhe vransira, pa mundësi për të reshura. Orëve të mëngjesit ftohtë dhe me ngrica, parashikon “Prishtina Weather”.

Kjo javë e fundit e tetorit mund të karakterizohet me mot më stabil, ditëve të para me më shumë diell, e më pas edhe me vransira kalimtare, por pa mundësi për të reshura. Orëve të mëngjesit do të jetë më ftohtë, vende-vende edhe me ngrica, sidomos ditën e hënë, derisa në ultësira shkurtimisht mund të ketë kushte edhe për mjegull apo mjegullinë.

Indeksi i cilësisë së ajrit në këto ditë do të jetë kryesisht në vlera të pranueshme dhe mesatare, e gjatë periudhave të qetësisë orëve të mbrëmjes dhe mëngjes, vende-vende kalon edhe në vlera të dobëta.

Datat:

25.10 – Në mëngjes ftohtë dhe me ngricë. Ditën kryesisht me diell dhe vransira kalimtare orëve të pasdites.

26.10 – Pas mëngjesit të ftohtë dhe me ngrica vende-vende, ditën kryesisht me diell.

27.10 – Kryesisht me diell, orëve të pasdites dhe mbrëmjes vransira kalimtare të shtresave të larta.

28.10 – Alternime vransirash dhe kthjellimesh.

29.10 – Pjesërisht vranët, me intervale më të gjata me diell.

Temperaturat minimale zbresin në 0C deri 3C, e në pjesë ku mund të ketë mjegull, mund të bien edhe në vlera negative, e maksimalet luhaten nga 11C-14C.

Era do të fryjë mesatarisht nga lindja e juglindja 4-14m/s.

Shtypja atmosferike luhatet lart mbi vlera normale.

Image

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat