Në Gjinekologj, 14 gra shtatzëna të infektuar me COVID

Kosova

Në Gjinekologj, 14 gra shtatzëna të infektuar me COVID

Më: 21 janar 2022 Në ora: 21:20
Klinika Gjinekologjike

Në Klinikën e Gjinekologjisë dhe Pediatrisë janë rikthyer repartet për Covid-19. Ky virus ka prekur edhe gratë shtatzëna e fëmijët.

Shtatzënia për të është e vështirë. Pos telasheve shëndetësore që ia solli ky proces, kjo grua shtatzëne është e infektuar edhe me Covid-19.

E shtrirë në Klinikën Gjinekologjike, ndër gratë tjera, ajo po kalon një shtatzëni më të rrezikshme.

Covid-19 ka prekur edhe gra të tjera që janë në pritje të pasardhësve.

Në këtë Klinikë ka gjithsej 14 paciente shtatzëna që janë pozitive me virusin korona. Reparti i veçantë për to është funksionalizuar sërish.

Pak më tutje në QKUK është ndarë edhe një repart për fëmijë të infektuar me Covid në Pediatri.

Drejtoresha e kësaj Klinike, Violeta Grajqevci-Uka, thotë se varianti i ri është më i lehtë për fëmijët.

Për shkak të gripit sezonal, dallimi midis gripit dhe virusit korona është i vështirë.

Si rrjedhojë, mjekët rekomandojnë të bëhet testimi pas shfaqjes së simptomave të para.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat