Banesa e boshatisur në Drenas, pronarja e rreme po kërkohet nga Policia

Kosova

Banesa e boshatisur në Drenas, pronarja e rreme po kërkohet nga Policia

Më: 28 janar 2022 Në ora: 23:54
Ka gati një dekadë që kjo mbeti e boshatisur

Pas gati 10 vitesh, në 2022 pritet të bëhet shpallja që më në fund dikush të strehohet në një banesë në Drenas.

Papastërtia e madhe është indikacion i qartë se askush s’jeton më këtu.

Përveç bërllokut, kjo banesë në Drenas karakterizohet me një histori të gjatë konfliktesh.

Ka gati një dekadë që kjo mbeti e boshatisur, pasi për hiç më shumë se 60 metra katror u derdh gjak.

Në fakt, pronën e Komunës ishte duke e shfrytëzuar polici Fadil Shishani kur organet e rendit i shkuan te dera për ta larguar, pasi Gjykata kishte vendosur se faktikisht kjo banesë i takonte Zejnepe Buzhalës.

Realisht e njëjta kishte shfrytëzuar banesën para Shishanit, porse edhe ajo ishte shfrytëzuese e përkohshme.

Sidoqoftë tek pas plagosjes së zyrtarëve policorë dhe arrestimit të Shishanit, u ngrit aktakuzë ndaj Zejnepe Buzhalës për falsifikimin e dokumenteve.

Tash gjyqësori vërtetoi se banesa në fjalë është pronë vetëm e Komunës së Drenasit.

Pas gati 10 vitesh, në 2022 pritet të bëhet shpallja që më në fund dikush të strehohet aty.

Tv e kishte të pamundur të kontaktonte me Zejnepe Buzhalën, e cila siç i tha Gjykatës gjendet në Angli për mjekim.

E njëjta ka urdhër arrest nga Gjykata pasi nuk u paraqit në 3 seancat e fundit në të cilën akuzohet për falsifikim të dokumenteve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat