Moti për fundjavë dhe javën e ardhshme

Kosova

Moti për fundjavë dhe javën e ardhshme

Më: 21 maj 2022 Në ora: 07:22
Foto ilustrim

Prishtina Weather ka njoftuar se sot pritet të jetë nxehtë dhe me diell. Të dielen e të hënën mundësi edhe për shi, derisa avën e ardhshme do të jetë më nxehtë.

PW ka apeluar që të mos qëndroni gjatë në rreze të diellit gjatë orëve të mesditës.

20.05.2022 – Dita e parë e fundjavës na sjell mot mjaft të nxehtë dhe kryeisht me diell. Më pas nga dita e diel dhe të hënën po priten kushte edhe për zhvillime të reshjeve me bubullima, që ditën e hënën mund të jenë më të shtrira në vend, e gjithashtu temperatura pësojnë rënie të lehtë.

Nga dita e martë po paraqitet një situatë e motit relativisht më stabil por edhe më të nxehtë dhe kryesisht me diell. 

Cilësia e ajrit do të jetë kryesisht në vlera të pranueshme dhe të mira, derisa indeksi i rrezeve UV ditën e shtunë do të jetë më i lartë, ndaj edhe preferohet që orëve të mesditës të mos qëndrojmë gjatë në rreze të diellit.

21.05 – Nxehtë dhe kryesisht me diell.

22.05 – Vransira e intervale me diell.  Në mëngjes mundësi për riga lokale shiu, e pasdite përreth viseve malore reshje lokale shiu me bubullima.

23.05 – Vransira e intervale me diell.  Vende-vende priten zhvillime të rrebesheve me bubullima.

24.05 – Kryesisht me diell dhe nxehtë.

25.05 – Më nxehtë dhe kryesisht me diell.

Temperaturat minimale luhaten ndërmjet 10C e 14C, ndërsa maksimalet nga 30C të shtunën, zbresin në 25C ditën e hënë, e deri në mërkurën shënojnë rritje deri në 31C e 32C.

Era frynë e lehtë dhe mesatare nga veriu e verilindja 5-11m/s, e nga dita e hënë nga perëndimi e jugperëndimi.

Shtypja atmosferike me një tendencë të rënies përreth vlerave normal.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat