​Pritjet në dalje të Merdares deri në 5 orë

Kosova

​Pritjet në dalje të Merdares deri në 5 orë

Më: 14 gusht 2022 Në ora: 22:29
Ilustrim

Në orët e mbrëmjes vazhdon të ketë kolona në dalje të pikës së vendkalimit kufitar në Merdare deri në 5 orë.

Kolona në dalje të Merdares është një kilometër e dyqind metra, ndërsa një gjendje më e mirë është në hyrje të kësaj pike e vendkalimit kufitar ku udhëtarët duhet të presin 5-10 minuta dhe kolona është vetëm 10-20 metra e gjatë.

Kolona ka edhe në dalje të pikës tjetër Dheu i Bardhë, përkatësisht 400 metra dhe pritjet janë 30 deri në 40 minuta, ndërsa për të hyrë udhëtarët duhet të presin 15-20 minuta dhe kolona është 50 metra e gjatë.

Ndërsa në Mutivodë pritjet janë më të gjata. Në dalje të këtij vendkalimi kufitar udhëtarët duhet të presin katër orë dhe kolona është 800 metra e gjatë. Për të hyrë ndërkaq duhet pritur 5-10 minuta dhe nuk ka kolonë.

Pritje ka edhe në Muçibabë, 30-35 minuta në dalje dhe 10-15 minuta për hyrje. Kolonat në këtë pikë të kalimit kufitar në dalje është 350 metra e gjatë, ndërsa në hyrje 50 metra e gjatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat