Lidhja e Historianëve të Kosovës “Ali Hadri”, dega në Deçan, përshëndet dhe përkrah pa-rezerva vendimin e kryeministrit të Albin Kurti për të mos e shtyrë vendimin për targat me iniciale nga koha e regjimit të Millosheviqit që përdoren nga serbët në Kosovë.
Në një komunikatë për media thuhet se zbatimi i këtij vendimi nga fillimi muajit nëntor 2022, është një sinjal i qartë se shteti i jonë po shkon drejte vendosjes së rendit dhe ligjit në veri të vendit, i cili që nga koha e pas luftës çlirimtare të vitit 1998-1999, është mbajtur nën shtetrrethim të egër nga qarqet kriminel serbe.
Historianët bëjnë thirrje për unitet politik e mbarë shoqërore në lidhje me zbatimin e vendimit për targat ilegale.
Për më tepër, Lidhja e Historianëve të Kosovës konsideron se shtetet mike në krye me SHBA-në, Britaninë e Madhe dhe vendet e tjera “na respektojnë e vlerësojnë edhe me tej, kur ne jemi të vendosur e unik në qëndrimet dhe vendimet tona si shtet”.
Qeveria e Kosovës ka bërë të ditur se nuk do të ketë më shtyrje të vendimit për konvertimin e targave ilegale të lëshuara nga Serbia pas datës 31 tetor.
Targave KM, GL, PR, PZ, DE, UR, DJ, që janë de-nominime serbe për qytetet e Kosovës, u ka skaduar afati i përdorimit në shtator të vitit të kaluar. Konvertimi në targa RKS siguron lëvizje të lirë në të gjithë Republikën e Kosovës.
