Kryetari i Komunës së Obiliqit, Xhafer Gashi së bashku me drejtorin e infrastrukturës Lokale dhe drejtoreshën e ShFMU “Dr. Ibrahim Rugova”, kanë vu gurthemelin e pishinës gjysmë olimpike në Obiliq.
Gashi ka shkruar se ky është një projekt shumë i rëndësishëm për komunën e Obiliqit, sportin dhe të rinjtë.
“Ky projekt do t’u japë mundësi fëmijëve, të rinjve dhe sportistëve të zhvillojnë aftësitë e tyre të notit, duke i hapur rrugën organizimit të aktiviteteve sportive dhe garave në nivel lokal e më gjerë.
Edhe një projekt madhor po i shtohet qytetit të Obiliqit”, ka shkruar ai.