AAK: Me 12 tetor do të fillojë një epokë e re për Junikun

Kosova

AAK: Me 12 tetor do të fillojë një epokë e re për Junikun

Më: 10 tetor 2025 Në ora: 23:47
Pamje nga tubimi i AAK-se ne Junik/ 10 TETOR 2025

Pas Deçanit, AAK ka mbajtur tubimin përmbyllës për zgjedhjet e së dielës edhe në Junik. Kreu i këtij subjekti, Ramush Haradinaj, ka thënë se më 12 tetor do të fillojë një epokë e re për Junikun.

Në tubimin përmbyllës në Junik, kryetari i Aleancës për Ardhmërinë e Kosovës, Ramush Haradinaj, është zotuar se kandidati i tyre për kryetar do të punojë me përkushtim për të mirën dhe të ardhmen e banorëve të kësaj komune.

“E kemi në plan me punu dhe fjalët e kandidatit janë të zemrës. Po të lutem puno, ndero veten e Junikun. Këta njerëz e meritojnë. Nuk ka ma mirë se me ndihmu Junikun. Me 12 tetor po fillon epokë e re e punës, e një pune më të madhe. Kohë e re e një pune që do të mobilizojë krejt Junikasit. Po kërkojmë votë me fitu Juniku. Mobilizohuni këto ditë,” ka thënë Haradinaj.

Kandidati për kryetar të Junikut, Agron Kuçi, tha se plani i tij mbështetet në katër shtylla.

“5 projekte kryesore: sheshi Edmond Hoxha, pastaj edhe rrugët tjera; projekt i dytë ndërtimin e kompleksit, po ashtu kompleks i rinisë në qendër rinore, do ta ndryshojmë planin për zhvillimin komunal, një prej projekteve përkrahje për bizneset e vogla e të mesme, e në veçanti gruan dhe të rinjtë,” ka thënë Kuçi.

Drejtuesit e AAK-së, duke folur për kandidatët për asamble komunale, thanë se kanë një listë me profesionistë të dëshmuar në fusha të ndryshme.

comment Për komente lëvizni më poshtë
Sot mund të lexoni Shfletoni kopertinat