Komuna e Vitisë ka përmbyllur shpërndarjen e 73 frezave për traktorë, të dedikuara për fermerët e kësaj komune.
Sipas njoftimit të Komunës së Vitisë, pas shpërndarjes së 30 frezave ditën e djeshme, sot janë ndarë edhe 43 të tjera, duke përmbyllur kështu këtë proces të mbështetjes për bujqit.
Kjo mbështetje synon zhvillimin e sektorit të bujqësisë dhe lehtësimin e punëve të përditshme të fermerëve vitias, duke u mundësuar atyre pajisje më të përshtatshme për aktivitetet bujqësore.
Komuna e Vitisë ka theksuar se mbështetja për fermerët mbetet pjesë e angazhimit të saj për zhvillimin e bujqësisë në këtë komunë.