Aksident i rëndë në Prishtinë, humb jetën një person

Kronikë

Aksident i rëndë në Prishtinë, humb jetën një person

Nga: Bota sot Më: 9 gusht 2026 Në ora: 10:27

Një person ka humbur jetën si pasojë e një aksidenti trafiku që ka ndodhur të shtunën në Prishtinë.

Sipas raportit të Policisë së Kosovës, aksidenti ka ndodhur më 8 gusht, rreth orës 12:00, në rrugën “Shkupi”.

Në aksident kanë qenë të përfshira dy automjete civile, të drejtuara nga dy meshkuj kosovarë.

Si pasojë e përplasjes, përveç dëmeve materiale, njëri nga drejtuesit e automjeteve ka pësuar lëndime vdekjeprurëse.

Vdekjen e viktimës e ka konstatuar ekipi mjekësor në vendin e ngjarjes.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion. / BS

comment Për komente lëvizni më poshtë
Sot mund të lexoni Shfletoni kopertinat