Arrestohet 21-vjeçari në Ferizaj pasi publikoi video me armë

Kronikë

Arrestohet 21-vjeçari në Ferizaj pasi publikoi video me armë

Më: 21 shtator 2026 Në ora: 15:31
Fotoilustrim

Policia e Kosovës ka identifikuar dhe arrestuar një 21-vjeçar në Ferizaj, pasi dyshohet se kishte publikuar në rrjetet sociale një video në të cilën shfaqej me armë zjarri.

Sipas Policisë, njësia e hetimeve e Stacionit Policor në Ferizaj ka pranuar më 21 shtator një informatë lidhur me publikimin e videos.

Pas veprimeve hetimore në terren, policia ka identifikuar të dyshuarin, SH.M., 21 vjeç, dhe gjatë kontrollit i ka konfiskuar një armë pistoletë me gaz.

Me vendim të prokurorit të shtetit, ndaj të dyshuarit është iniciuar rast për veprën penale “Mbajtja në pronësi, kontroll ose posedim i paautorizuar i armëve”.

Pas intervistimit nga organet e rendit, i dyshuari është liruar dhe rasti do të hetohet në procedurë të rregullt.

Sot mund të lexoni Shfletoni kopertinat