Një person i gjinisë mashkullore ka vdekur pasi ishte dërguar në gjendje të rëndë shëndetësore në Qendrën Klinike Universitare të Kosovës (QKUK).
Rasti është raportuar mbrëmë rreth orës 21:19, në Prishtinë, transmeton "Bota sot".
Sipas raportit të Policisë, vdekjen e personit e ka konstatuar ekipi mjekësor pas dërgimit të tij në QKUK.
Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Rasti po trajtohet nga organet kompetente si “Hetim mbi vdekjen”.