Kryetari i BDI-së Ali Ahmeti, e ka komentuar intervistën e kryeministrit Zoran Zaev të dhënë për mediumet bullgare, e cila shkaktoi reagim të madh në Maqedoni. Ahmeti vlerësoi se Zaev rrezikon karrierën e vet politike për të zgjidhur çështjen me Bullgarinë.
Ahmeti tha se Zaev ka vullnet të mirë për të zgjedh një problem të rëndësishëm që ka të bëjë drejtpërsëdrejti me ardhmërinë e vendit tonë, për hapjen e negociatave dhe për anëtarësimin e vendit në BE.
Abi Çarshia me video emocionuese jua uron Festën e Flamurit - 28 nëntorin!
E SPONSORUARSHIKO VIDEON
“Besoj se kjo është rrezik dhe një sakrificë personale e Zaevit për të rrezikuar karrierën e tij politike për t’i thënë gjërat aq drejtpërdrejtë me qëllimin më të mirë për vendin, shtetin dhe për qytetarët tanë. Solidarizohemi me bashkëqytetarët tanë maqedonas dhe se asnjëherë nuk kemi kontestuar asgjë sepse fatet tona kanë qenë të njëjta”, deklaroi Ahmeti.
“Ne asnjëherë nuk kemi kontestuar asgjë, as nga gjuhë as nga historia sepse fatet tona kanë qenë të njëjta. Kemi pas zgjedha e okupime nga të njëjtit okupatorë dhe fashist dhe sakrificat i kemi bërë të përbashkëta për të qenë të lirë në këto hapësira ku jemi”, vlerësoi Ahmeti.
Ahmeti shtoi se duhet zgjidhje sa më shpejt e problemit, duke kërkuar të mos ketë ndikim nga emocionet dhe të mos ketë folklorizëm.
