Zaharieva: Gjuha maqedonase të quhet “gjuha zyrtare në Republikën e Maqedonisë së Veriut”

Maqedonia

Zaharieva: Gjuha maqedonase të quhet “gjuha zyrtare në Republikën e Maqedonisë së Veriut”

Më: 11 dhjetor 2020 Në ora: 15:34
Ekaterina Zakharieva

Zëvendëskryeministrja dhe ministrja e Punëve të Jashtme, Ekaterina Zakharieva tha se Marrëveshja për fqinjësi të mirë është nënshkruar në vitin 2017 dhe mes tjerash ka përmbajtur formimin e një Komisioni për çështje Historike, i cili nuk ka arritur ta kryej punën e vet.

“Bullgaria dëshiron të pranohet e vërteta historike. Kjo nuk ishte problem për Maqedoninë e Veriut kur e nënshkroi marrëveshjen. Historia e përbashkët na bashkon s’duhet të na ndajë. Ky është qëllimi. Ne nuk themi ‘këto figura janë vetëm tonat’, por ‘Këto figura i kemi të përbashkët’. Ky është mendim modern i dy vendeve që dëshirojnë të jenë në Bashkimin Evropian”, tha Zakharieva.

Ajo thekson se Bullgaria insiston që gjuha maqedonase të gjuhet si ‘gjuha zyrtare në Republikën e Maqedonisë së Veriut”, si dhe të ndryshohen tekstet shkollore ku bullgarët paraqiten si fashistë.

Ajo shton se Qeveria e Bullgarisë pret që vërejtjet e tyre të gjejnë vendin e vet dhe se nuk dëshirojnë që të pengojnë RMV-në në rrugën drejt BE-së.

Shfaq komentet
comments powered by Disqus
Sot mund të lexoni Shfletoni kopertinat