Këshilli i Ambasadorëve lëshoi një deklaratë duke shprehur shqetësim dhe befasi të madhe për lajmet në media se një grup i vogël deputetësh, siç theksohet, “luftëtarët e të drejtave të njeriut” në kushtet e pandemisë së rëndë të coronavirusit dhe thellimit të krizës ekonomike, përparësia e angazhimit të tyre parlamentar është të ndryshojnë nenin e Ligjit për Punët e Jashtme i cili do t’i mundësojë për ambasador të jetë një qytetar i Maqedonisë i cili gjithashtu ka shtetësinë e një vendi tjetër.
Këshilli kujton se deri më tani ishin dërguar ambasadorë të Maqedonisë që kishin shtetësi tjetër, por ata hoqën dorë nga shtetësia e tyre e huaj.
“Kjo praktikë pozitive tregon se disa kandidatë të rinj për këtë pozitë më të lartë në diplomaci nuk dëshirojnë të heqin dorë nga shtetësia e vendeve anëtare të BE-së dhe akoma duan të bëhen ambasadorë të Maqedonisë. Këto janë padyshim motivet e këtij propozimi për ndryshime në Ligjin për Punët e Jashtme në fushën e shtetësisë, ndërsa kërkesa për të kaluar një procedurë të shkurtuar është vetëm një konfirmim për ta bërë atë sa më shpejt të jetë e mundur”, thonë nga Këshilli i Ambasadorëve.
Në të njëjtën kohë, Këshilli i Ambasadorëve i kujton qeverisë se shtetësia e ambasadorëve të emëruar në të gjithë botën rregullohet nga Konventa e Vjenës e vitit 1961 për Marrëdhëniet Diplomatike dhe nuk mund të jetë subjekt i ndonjë pazari ose përmbushjeje të dëshirave personale të aktivistëve të partisë.
