Sindikata e pavarur e bujqve në Maqedoni: Shteti të mos i ndërpresë marrëveshjet për qira të tokave

Maqedonia

Sindikata e pavarur e bujqve në Maqedoni: Shteti të mos i ndërpresë marrëveshjet për qira të tokave

Më: 26 mars 2021 Në ora: 18:07
Foto ilustrim

Shteti të mos i ndërprejë marrëveshjet për qira të tokave bujqësore, apelon Sindikata e pavarur e bujqve dhe blegtorëve. Sindikata kërkon takim urgjent me ministrin e Bujqësisë, Pylltarisë dhe Ekonomisë së Ujërave, Arjanit Hoxha veçanërisht në lidhje me marrëveshjet në Sveti Nikollsko dhe Ovçe Pole. Nëse kjo nuk ndodh paralajmëroi se do të organizojë protesta.

Siç tha sot kryetari i Federatës së Sindikatave Bujqësore, Nikolla Shalev, 450 bujqve u është marrë e drejta e shfrytëzimit të tokës bujqësore e cila paraprakisht u është dhënë në koncesion shumëvjeçar. Me gjestin e tillë, përmendi Shalev, shteti nxit krijim të rasteve sociale dhe valë të re të largimit të rinisë nga vendi.

“Bujqit tashmë frikohen. Morëm vendim për ndërprerje të marrëveshjeve dhe për kthim të tokës e cila është nën posedimin tonë. Kjo nënkupton se pushteti dhe një pjesë e saj nuk ka opsion tjetër, por shpresë se e përparon bujqësinë. Me paratë e marra nga Evropa për gjoja ngritje të parqeve për energji alternative na i prishin kontratat që të mund ta shesin tokën. Kërkesa jonë është t’i stornojnë të gjitha vendimet për kthim të qeverisjes. Kemi obligimet tona para bankave, kemi marrë kredi, si t’i paguajmë qiratë. Personalisht, firma ime familjare “Bio agromarket” kërkon rreth 7.000 euro, ndërsa detyrohet rreth 1.500 euro. Ma jepni dallimin, bëni shmangie të atyre mjeteve”, deklaroi Shalev para Ministrisë së Bujqësisë.

“Komunën Sveti Nikollë e kemi ndarë në shtatë mikro rajone bujqësore-prodhuese. Çdo rajon bashkon një numër të caktuar të fshatrave. Kemi identifikim të të gjithë prodhuesve, bujqve, në rajonet. Në vend që të na respektojnë dhe të fillojmë zhvillimin e përbashkët, ata na i ndërpresin marrëveshjet”, shtoi kryetari i Federatës së sindikatave bujqësore.

Edhe kryetari i rajonit lindor të bujqve dhe blegtorëve pranë Konfederatës së organizatave sindikale, Riste Banjeglav bëri thirrje që shteti t’u ndihmojë bujqve të cilët për momentin, siç tha, përballen me probleme serioze krahas korona pandemisë.

Ai vlerësoi se me ndërprerjen e vendimeve për toka, mbi 400 familje, mes të cilave edhe njerëz të rinj do të fillojnë të mendojnë për ikje nga shteti.

commentFirst article
Sot mund të lexoni Shfletoni kopertinat