Radev: Jam një ndër politikanët që dua sa më shpejtë Maqedonia e Veriut të anëtarësohet në BE

Maqedonia

Radev: Jam një ndër politikanët që dua sa më shpejtë Maqedonia e Veriut të anëtarësohet në BE

Më: 19 janar 2022 Në ora: 18:05
Radev

Jam i kënaqur që Këshilli i fundit Konsultativ i Sigurisë Kombëtare ka treguar qëndrueshmëri në çështjen e rëndësishme për Republikën e Maqedonisë së Veriut.

Qasja shumëdrejtimëshe e qeverisë duhet të mbështetet, tha presidenti bullgar Rumen Radev nga parlamenti vendas, ku ai dhe nënpresidentja Iliana Iotova u betuan për një mandat të dytë në detyrë.

Radev theksoi se është ndër politikanët që duan që Maqedonia të bëhet më shpejt pjesë e Bashkimit Evropian.

“Kjo është arsyeja pse ne duhet të ndihmojmë vëllezërit tanë që të kapërcejnë ideologët e së kaluarës totalitare. Barazia e bullgarëve në Maqedoni duhet të garantohet me përfshirjen e tyre në Kushtetutën e Maqedonisë”, tha Radev, duke mos harruar të përmend fshirjen e gjuhës së pretenduar të urrejtjes ndaj Bullgarisë.

“Ky akt, së bashku me miratimin e mekanizmave të besueshëm për çrrënjosjen e gjuhës së urrejtjes dhe ruajtjen e trashëgimisë kulturore dhe historike bullgare, duhet të jetë parakusht për marrëveshjen tonë për fillimin e negociatave të anëtarësimit”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat