Sali: Numri i të infektuarve po ulet, mësimi do të fillojë me prezencë fizike

Maqedonia

Sali: Numri i të infektuarve po ulet, mësimi do të fillojë me prezencë fizike

Më: 28 janar 2022 Në ora: 14:20
Bekim Sali

Ministri i Shëndetësisë Bekim Sali ka deklaruar se Instituti për Shëndet Publik dhe Ministria e Shëndetësisë kanë përvojë me pandemi dhe endemi tek fëmijët, dhe sipas përvojës së tyre nuk ka nevojë për izolim, gjegjësisht mësim online në këtë periudhë.

“Gjysmëvjetori i dytë do të fillojë me prezencë fizike më 1 shkurt dhe ne si Ministri do ta bëjmë skriningun në bazë të lirë të fëmijëve dhe në varësi prej rajonit do të ndërmarrim masa të reja”, tha Sali.

Ministri i Shëndetësisë tha se numri i personave të sëmurë është ulur ditëve të kaluar.

“Nuk ka rritje dhe po vërejmë se ka ulje të numrit të ri të infektuar dhe për momentin nuk ka nevojë për masa të reja”, tha Sali.

Sipas analizave të bëra në Institutin për Shëndet Publik, 10 për qind e të infektuarve me koronavirius në Maqedoninë e Veriut janë me variantin Delta, ndërsa 90 me Omicron.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat