Kovaçevski pas takimit me Petkov: Përcaktimi eurointegrues i vendit nuk lëkundet pavarësisht rezultatit në qershor

Maqedonia

Kovaçevski pas takimit me Petkov: Përcaktimi eurointegrues i vendit nuk lëkundet pavarësisht rezultatit në qershor

Më: 23 maj 2022 Në ora: 19:28
Dimitar Kovaçevski, Kiril Petkov

Ka përfunduar pa epilog takimi në Romë i zhvilluar mes kryeministrit të Maqedonisë së Veriut, Dimitar Kovaçevski dhe kryeministrit bullgar, Kiril Petkov.

Në një prononcim për media Kovaçevski e ka vlerësuar si konstruktiv takimin duke shtuar se bisedimet do të vazhdojnë tutje, ndërsa zgjidhja do të arrihet në momentin kur do të ketë një dokument, i pranueshëm për dyja palët.

I pyetur për pasojat diplomatike dhe politike në rast se në qershor nuk merret data për konferencën e parë ndër-qeveritare, Kovaçevski shtoi se nuk lidhet për data dhe se përcaktimi euro integrues i vendit nuk lëkundet pavarësisht rezultatit që mund të sjell qershori.

Në fund i pari i Qeverisë shtoi se pala bullgare nuk ka kushte të reja për zhbllokim dhe propozimi portugez mbetet zgjidhja e preferuar e palës bullgare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat