Infektologu shqiptar: Nuk ka nevojë për panik nga sëmundja lija e majmunëve

Maqedonia

Infektologu shqiptar: Nuk ka nevojë për panik nga sëmundja lija e majmunëve

Më: 24 maj 2022 Në ora: 20:50
Fadil Cana

Pas shumë sfidave me virusin Covid-19 i cili tani ka një numër më të ulët të infeksioneve në Evropë, lija e majmunëve është një tjetër sëmundje që po përhapet në Evropë.

Sipas infektologut Fadil Cana qytetarët nuk duhet të krijojnë panik.

“Kjo sëmundje është e njohur në fushën e infektologjisë dhe daton që nga viti 1958 kur u zbulua për herë të parë. Duke iu referuar të dhënave të deritanishme në mbarë botën, mendoj se nuk ka vend për panik tek qytetarët, edhe pse pas pandemisë Covid-19 në dy vitet e fundit vigjilenca për sëmundjet infektive është shumë më e lartë”, deklaroi Fadil Cana infektolog në Klinikën Infektive në Shkup, në një deklaratë për televizionin Klan Macedonia.

I pyetur se si transmetohet kjo sëmundje dhe cilat janë simptomat e para, infektologu Cana tregon mënyrat:.

“Sëmundja transmetohet nga kontakti i ngushtë, shumica e rasteve të raportuara të sëmundjes lija e majmunëve janë tek individë që ne me fjalor mjekësor i quajmë MCM”. Kjo sëmundje ka një periudhë inkubacioni 7-14 ditë me variabël që mund të jetë 5-20 ditë dhe manifestimi klinik është temperaturë, dhimbje koke, dhimbje muskulore, lifadenopati. Pas 1 deri në 3 ditë, në lëkurë shfaqen ndryshime, të cilat nisin nga skuqja fillestare”, deklaroi Fadil Cana.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat