OBRM-Popullore: Propozimi francez i hap rrugën Maqedonisë drejt BE-së

Maqedonia

OBRM-Popullore: Propozimi francez i hap rrugën Maqedonisë drejt BE-së

Më: 25 qershor 2022 Në ora: 12:04
Ljupço Georgievski

OBRM-Popullore vlerëson se vendimi i Parlamentit bullgar për të mbështetur “propozimin francez” është i mirë dhe se kjo i hap rrugën Maqedonisë drejt Bashkimit Evropian.

“OBRM-Popullore vlerëson se vendimi i djeshëm i Parlamentit bullgar, i cili e mbështeti propozimin francez dhe u pajtua për heqjen e vetos për Maqedoninë e Veriut, jo vetëm që i hap rrugën integrimit evropian të vendit, por sot de fakto anulon vendimin e mëparshëm të Parlamentit bullgar në të cilin u miratua qëndrimi i njohur si korniza për Maqedoninë. Me të cilin kornizë duhet të kujtojmë se Maqedonia e Veriut duhet të kishte shpallur se “gjuha maqedonase dhe kombi maqedonas e kanë origjinën nga viti 1945, e më herët kanë qenë bullgarë”.

Prandaj, OBRM-Popullore vlerëson se propozimi francez është një progres i madh në favor të vendit tonë dhe për këtë dëshirojmë të falënderojmë veçanërisht ekipin negociator të Republikës së Maqedonisë së Veriut.

OBRM-Popullore beson se propozimi francez duhet të pësojë korrigjime, por gjithashtu i bëjmë thirrje vendit tonë që të mos e humbasë këtë shans.

Në këtë drejtim, jemi veçanërisht të befasuar në mënyrë të pakëndshme që shumica e kundërshtarëve të propozimit francez ende mendojnë se problemi më i madh është përfshirja e bullgarëve në Kushtetutën e Maqedonisë.

“Nuk mund ta kuptojmë këtë qëndrim dhe me të vërtetë dëshirojmë të ndajmë se ai jo vetëm që nuk është problem por edhe një hap i madh përpara për Maqedoninë”, thonë nga OBRM-Popullore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat