Vasilev: Bullgaria e kreu obligimin që kishte, Maqedonia tashmë le të vendos për propozimin francez

Maqedonia

Vasilev: Bullgaria e kreu obligimin që kishte, Maqedonia tashmë le të vendos për propozimin francez

Më: 3 korrik 2022 Në ora: 10:57
Asen Vasilev

Politikani bullgar dhe kandidati për kryeministër nga partia “Vazhdimi i ndryshimit”, Asen Vasilev tha se çështja e Maqedonisë së Veriut ka përfunduar tashmë dhe propozimi është dorëzuar.

“Kemi përfunduar tashmë punën për çështjen e Maqedonisë. Kolegët nga Republika e Maqedonisë së Veriut besojnë se ky propozim është pro-bullgar”, tha Vasilev në dalje nga takimi për negociatat e koalicionit, duke iu përgjigjur pyetjes së një gazetari.

Vasilev shtoi se nëse edhe ky propozim i modifikuar shihet si i mangët, atëherë Maqedonia ka probleme të theksuara.

“Duhet të jemi të kënaqur me faktin se ky propozim qe në realitet konsiderohet “pro bullgar” krijon probleme për fqinjët tanë, jo për ne. Ne tashmë e kaluam situatën komplekse që kishim dhe angazhimi ngelet tek Maqedonia që të vazhdoj tutje”, theksoi Vasilev.

Sipas raportimeve nga presidenca franceze e BE-së, propozimi i modifikuar përmban disa pika që balansojnë kërkesat e dy palëve, duke mos prekur në temat që dikur Maqedonia e Veriut i kishte përcaktuar si vija të kuqe në negociata.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat