Rritet numri i rasteve me Covid-19 në Maqedoni, në 24 orë janë regjistruar 293 raste të reja

Maqedonia

Rritet numri i rasteve me Covid-19 në Maqedoni, në 24 orë janë regjistruar 293 raste të reja

Më: 5 korrik 2022 Në ora: 14:58
Foto ilustrim

Sipas të dhënave të Institutit të Shëndetit Publik, Ministria e Shëndetësisë bën me dije se në 24 orët e fundit janë kryer 1.254 testime dhe janë regjistruar 293 raste të reja me Covid-19.

Shkup – 157, Kumanovë dhe Manastir – nga 19, Ohër – 18, Tetovë dhe Veles – nga 15, Shtip – 11, Prilep – 8, Kavadar – 7, Strumicë – 6, Gostivar – 4, Koçan dhe Negotinë – nga 3, Radovish – 2, Gjevgjeli, Resnje, Sveti Nikollë, Dellçevë, Vinicë dhe Demir Kapi – nga 1.

Nga numri i përgjithshëm i pozitivëve (293), janë regjistruar 81 riinfeksione.

Janë regjistruar 102 pacientë të shëruar.

Gjatë 24 orëve të fundit nuk është raportuar asnjë vdekje.

Sipas Regjistrit të personave të vdekur të diagnostikuar me Covid-19, nuk ka asnjë person të vdekur të regjistruar as nga sistemi “Termini im”.

Deri më tani në vend janë kryer gjithsej 2.085.639 testime për Covid-19.

Numri i përgjithshëm i personave të diagnostikuar me Covid-19 në vendin tonë që nga fillimi i epidemisë është 314.794, numri i të shëruarve është 304.341, numri i të vdekurve është 9.327 dhe numri i rasteve aktive është 1.126.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat