Ruskovska: Kemi paga të mira, por nuk ka të interesuar që duan të punojnë në Prokurori

Maqedonia

Ruskovska: Kemi paga të mira, por nuk ka të interesuar që duan të punojnë në Prokurori

Më: 6 korrik 2022 Në ora: 16:11
Vilma Ruskovska

Prokuroria Themelore Publike për ndjekjen e krimit të organizuar dhe korrupsionit ka vende të lira për prokurorë por nuk ka të interesuar për plotesimin e këtyre vendeve të lira.

Këtë informacion e ka bërë të ditur për mediat, kryeprokurorja Vilma Ruskovska.

“Prokuroria Themelore Publike për ndjekjen e krimit të organizuar dhe korrupsionit duhet të ketë 20 prokurorë, ndërsa aktualisht ka gjashtë prokurorë më pak”, tha kryeprokurorja e kësaj prokurorie Vilma Ruskovska.

E pyetur nëse kjo ndikon në efikasitetin e punës së lëndëve, ajo tha se nuk ka ndonjë ndikim të madh sepse edhe kolegët e saj i punojnë lëndët pasdite.

“Edhe pse kemi pagat më të mira, vetëm katër prokurorë kanë aplikuar për punë në prokurorinë tonë”, tha Ruskovska.

“Jam e befasuar. Kam dhënë shumë mund në këtë prokurori, edhe ne kemi pagat më të mira, e megjithatë, për punë tek ne kanë aplikuar vetëm katër prokurorë, prej të cilëve dy janë jashtë mandatit”, u përgjigj Ruskovska në pyetjen e gazetarit për kapacitetet e PTHP-së.

Sipas ligjit, është konfirmuar se për shkurt kohë, 13 prokurorë në vend duhet të dalin në pension.

E pyetur se deri ku ka arritur hetimi për ish-sekretarin e përgjithshëm Muhamed Zekiri dhe nëse do të kërkohet vazhdimi i paraburgimit, Ruskovska u përgjigj:

“Po, do të kërkojmë vazhdimin e paraburgimit. E sa i përket rastit për Zekirin, për momentin nuk mund të jap një përgjigje të saktë, këtë e di më së miri prokurori kompetent”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat