Bekteshi: Nga Serbia mund të marrim gaz të paktën për tre deri në katër herë më të ulët se çmimet në bursë

Maqedonia

Bekteshi: Nga Serbia mund të marrim gaz të paktën për tre deri në katër herë më të ulët se çmimet në bursë

Më: 28 shtator 2022 Në ora: 23:38
Kreshnik Bekteshi

Nëse nënshkruhet një marrëveshje me Serbinë, ne do të blejmë gaz me çmime të paktën tre deri në katër herë më të ulëta se çmimet në bursë, tha sonte ministri i Ekonomisë Kreshnik Bekteshi.

Ai në “Top Tema” shpjegoi se vendi po negocion me “Gazin e Serbisë” dhe jo me “Gazpromin”. Kontratën për furnizimin me gaz natyror e ka pala serbe dhe se si do të realizohet teknikisht është punë e tyre. Detyra e shtetit tonë është të sigurojë kushte ligjore dhe teknike dhe rregullore të përshtatshme.

Sipas Ministrit, tani nuk bëhet fjalë për sasi dhe sigurim të lëndës së parë, por për çmim, se sa do t’u kushtojë qytetarëve furnizimi me gaz natyror.

“Negociatat janë në vazhdim dhe janë drejt përfundimit, kemi dorëzuar ofertë, ekipet e ekspertëve janë duke punuar për të gjetur një zgjidhje, t’i dalim në ndihmë Serbisë me energji elektrike, ndërsa ata të vijnë tek ne për gazin natyror. Nëse ka një marrëveshje, për të cilën jam i bindur sepse është punuar për më shumë se një muaj dhe komunikoj çdo ditë me Ministrinë e Energjetikës së tyre, çmimet do të jenë shumë më të ulëta se çmimi në bursë, të paktën tre deri në katër herë më e ulët se çmimi në bursë. Në këmbim të kësaj do ta furnizojmë Serbinë me energji elektrike me çmime më të arsyeshme”, tha Bekteshi.

Ai tha se nuk duhet ta lexojë marrëveshjen mes Serbisë dhe Gazprom-it.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat