Kryetari i Komunës së Haraçinës: Kudo ka grupe kriminale, ne nuk kemi as stacion policor

Maqedonia

Kryetari i Komunës së Haraçinës: Kudo ka grupe kriminale, ne nuk kemi as stacion policor

Më: 6 dhjetor 2022 Në ora: 00:53
Kryetari i Komunës së Haraçinës, Ridvan Ibrahimi

Kryetari i Komunës së Haraçinës, Ridvan Ibrahimi, në emisionin “10 minuta” në TV21, iu përgjigj akuzave të kryetarit të OBRM-PDUKM-së, Hristijan Mickoski se në Haraçinë ka grupe kriminale dhe se policia bashkëpunon me ta.

Ibrahimi është përgjigjur se ai personalisht dhe si komunë nuk ka kompetencë për këto çështje, por gjithashtu thotë se komandanti i stacionit policor nuk i ka këto informata.

Ibrahimi shtoi se çdo komunë ballafaqohet me probleme të tilla, jo vetëm komuna që ai drejton.

“Kompetencat e vetëqeverisjes lokale janë të kufizuara sepse realisht mund të ndërhyjë. Ne si pushtet vendor nuk kemi asnjë autoritet, nuk kemi as stacion policorë, por kemi vetëm qendrën rajonale të Gazi Babës.

Komandanti i policisë nuk e ka këtë informacion. Së fundi, çdo komunë ka problemet e veta, në çdo komunë ka grupe të tilla. Mirëpo ne jemi të interesuar që të mos ketë grupe të tilla në komunën tonë e as në komunat tjera”, tha Ibrahimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat