Spitalet plot me fëmijë të infektuar me virus në Maqedoni, Rexhepi: Mos i dërgoni fëmijët në shkollë nëse kanë simptoma

Maqedonia

Spitalet plot me fëmijë të infektuar me virus në Maqedoni, Rexhepi: Mos i dërgoni fëmijët në shkollë nëse kanë simptoma

Më: 8 dhjetor 2022 Në ora: 18:54
Foto ilustrim

Virusi sincicial i frymëmarrjes “vërshon” spitalet me pacientë të moshës së vegjël. Objektet spitalore tashmë janë të mbipopulluara, si në Spitalin “Kozle”, ashtu edhe në Klinikën për Sëmundje të Fëmijëve – Shkup. Simptomat më karakteristike janë kollitja, rrjedhja e hundëve dhe teshtitja. Foshnjat janë më të prekurit nga virusi respirator, tha për “TV21” pediatri Fitim Rexhepi.

“Është virus që më së shumti infekton foshnjat nga muaji i dytë deri në muajin e gjashtë apo të tetë. Prek pjesën e poshtme të rrugëve të frymëmarrjes duke shkaktuar kollitje, sekrecione nazale dhe teshtitje dhe në format më të rënda kemi vështirësi në frymëmarrje. Spitalet e fëmijëve, si në Shkup ashtu edhe në Tetovë, janë plot me fëmijë me të njëjtat simptoma. Kryesisht bartja e këtij virusi bëhet përmes ajrit, kollitja, teshtitja, sekrecionet e rrugëve të frymëmarrjes, si dhe mbajtja e maskave që ishte gjatë pandemisë, mund të jetë edhe masë mbrojtëse për këtë virus”, thotë Fitim Rexhepi.

“Për të parandaluar përhapjen, nëse vëreni simptoma edhe më të lehta, mos i dërgoni fëmijët në çerdhe apo shkolla”, thotë Rexhepi.

Si masë parandaluese ai rekomandon konsumimin e më shumë lëngjeve dhe vitaminave.

“Mos shkuarja në shkollë nëse kemi fëmijë të sëmurë, për të mos infektuar të tjerët, ushqimi i mjaftueshëm me vitamina dhe konsumimi i lëngjeve, trajtimi mbështetës me antipiretikë, ajrimi i mirë i hapësirave, temperatura optimale ose ngrohja e mirë, do të ndikonte pozitivisht në parandalimin e virusit”, thotë Fitim Rexhepi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat