Arrestohet një shtetas serb në autostradën Shkup – Gjevgjeli, voziste 221 km/h

Maqedonia

Arrestohet një shtetas serb në autostradën Shkup – Gjevgjeli, voziste 221 km/h

Më: 28 qershor 2026 Në ora: 10:20
Fotoilustrim

Një shtetas i Serbisë është arrestuar në autostradën Shkup – Gjevgjeli pasi ka lëvizur me një shpejtësi prej 221 kilometrash në orë, njoftoi sot Ministria e Punëve të Brendshme e Maqedonisë së Veriut.

Policia bëri të ditur se incidenti është regjistruar në afërsi të fshatit Miletkovë, kur radari ka detektuar se shoferi, i identifikuar si M.S. (60 vjeç), po ngiste një automjet të llojit “BMW” me targa të Serbisë me një shpejtësi prej 221 kilometrash në orë, në një aks rrugor ku kufizimi i shpejtësisë është 120 kilometra në orë.

Sipas policisë, shoferi e ka tejkaluar shpejtësinë e lejuar për 101 kilometra në orë.

Pas ndalimit, automjeti është sekuestruar, ndërsa shoferi është arrestuar dhe është shoqëruar në stacionin policor.

Sot mund të lexoni Shfletoni kopertinat