Kimete Berisha: Megalomania do ta rrëzojë Albin Kurtin nga pushteti!

Opinione

Kimete Berisha: Megalomania do ta rrëzojë Albin Kurtin nga pushteti!

Nga: Kimete Berisha Më: 15 maj 2021 Në ora: 11:18
Kimete Berisha dhe Albin Kurti

Pasi e 'çliruan' Kosovën nga UÇK-ja, shkuan për ta çliruar Shqipërinë nga populli i saj.

Pasii e humbën betejën por jo edhe luftën në Shqipëri, e shtrinë 'pushtetin' e tyre deri në Palestinë!

Aman!

Kjo është prepotencë e pabesueshme.

Është pushtet i imagjinuar që ia jep njeriu i çmendur vetvetes!

Ndjekësit e Albin Kurtit nuk janë 'ushtria' paralele e Kosovës, qysh kujton Vetëvendosja.

Nëse Kryeministri hesht kur e citojnë ekstremistët dhe në emrin e tij bëjnë gjeste antikombëtare, që e rrezikojnë sigurinë e Kosovës, pa u bë gjashtë muaj shkon te shpija!

Pse?

Sepse Kosovën e mbajnë të sigurtë KFOR-i, që do të thotë se edhe nëse do të kishin qëllime të errëta dhe të fshehta ta rrezikonin dhe ta devijonin Lirinë dhe Pavarësinë e Kosovës (me të cilën nuk janë të kënaqur), nuk do të kishin sukses!

Sepse nuk varet prej Tyre.

Kosova është 'e atyre' që e ruajnë, ashtu siç është ara e atij që e punon!

Kryeministri duhet të distancohet nga ata ekstremistë dhe nga ato grupe të instrumentalizuara që kushedi se si i frymëzon që e citojnë 'për mbrapshtë', e thirren në emrin e tij.

Po. Njerëzit mund të të duken buburreca (e vetja i madh).

Por, buburrecat një herë e kanë rrëzuar një civilizim.

Ka shumë njerëz që nëse u them që 'po më ngucin', pa u bë 5 minuta vijnë te dera e 'më rrethojnë'.

Por, gjithmonë preferoj t'u drejtohem organeve të Drejtësisë.

Njerëzve nuk ua përdorë dashurinë për t'i bërë budallë.

Sepse pa dalë dikush që t'i çelë sytë s'e lë!

Kosovën e ruan Perendimi!

Mjafton një moment që Perendimi të 'harrojë' ta ruaj Kosovën, pa u bë 5 minuta të vjen armiku te dera, e 'ushtria jote' ose ndodhen në kazerma duke luajtur shah, ose duke shikuar filma me vampira prej hekuri.

Ti shtet nuk ke për vete. Tregoju djemëve t'u se ti nuk ke shtet që veten e ushqen me bukë, e ruan me armë dhe e shëron me ilaçe), e po ia mban gajlen e shteteve tjera!

Kosova ka vetëm pushtet, të rremë, sa për ta 'vjedhur' atë buxhet që vjen nga dogana!

Dhe jeton prej ndihmave dhe vitrave!

Është shteti më i varfër në Evropë, ama më i pasuri me budallenjë!

Kaq për megalomaninë!

'Njeriu i kotë dhe me krenari eksesive është si piktori që e pikturon veç veten'!

Vëmendje: Kosova nuk është 'ushtria' e Albin Kurtit.

P.S. 'Nuk është e rëndësishme çfarë mendojnë ata për mua, e rëndësishme është çfarë mendoj unë për ta'!

Sot mund të lexoni Shfletoni kopertinat