Partitë politike rrjedhin nga sistemi politik në Republikë

Opinione

Partitë politike rrjedhin nga sistemi politik në Republikë

Nga: Muhamet Kelmendi Më: 18 tetor 2021 Në ora: 22:16
Muhamet Kelmendi

Pjesëmarrja e masave në votim është bazë e të analizuarit të gjendjës në popull kundruall forcave politike në Republikën e Kosovës.

Çdo herë në zgjedhje, qoftë të përgjithshme, qoftë lokale,  pjesëmarrja në zgjedhje nuk shkon mbi mesataren e të përcaktuarëve për votim.

Kurdo ka paknaqësi. Megjithatë, votuesit deri në 50% a 60% marrin pjesë në zgjedhje.

Në këtë paknaqësi rol vendimtar kanë partitë politike dhe pushteti që ka dalur nga ato parti dhe që vepron në qendër dhe në vend.

Dështimet e mëdha në nivel qëndror dhe atë lokal, nëpër komuna, ndikojnë drejtëpërdrejtë në ngritjen a uljen e respektit dhe të besimit ndaj subjektëve politike.

Në terren të Kosovës kemi shumë subjekteve politike të organizuara dhe që futen në gara për pushtet.

Këto janë rezultat i sistemit politik.

Kjo është gjë e mirë, sepse tregon vullnetin demokratik dhe dëshirën e madhe në Republikë të qytetarëve për pluralizëm. Me këtë vetëm ndihmohet sistemi politiko-shoqëror e juridik.

Ai pluralizem i organizimit politik nuk e dëmton sistemin. Përkundrazi.  E rrit dhe e bënë sistemin më të besueshëm tek masat.

Në fakt është vetë sistemi që në Republikën e Kosovës po krijon paknaqësi. Ky sistem punon çdo herë në interesa të kapitalisteve të krijuar. Me këtë sistem po krijohen përfitime dhe po rritet shfrytëzimi i ashpër i masave. Dhe, megjjithatë askush nuk e sheh sistemin si shkaktar.

Në Kosovë kemi grupin e krijuar në terren me përfitime të mëdha dhe është lidhur fort si klasë që po krijohet. Përfitimet e saj në Kosovë janë të marramendëse. Kemi një ndarje të madhe të kësaj klase a shtrese nga masat popullore.

Shfrytëzimi është shumë i rëndë.

Këtu është edhe problemi i sistemit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat