Dhe zogjtë e malit e dinin se Pavarësia e Shqipërisë është dashur të shpallet në qytetin e Shkupit

Opinione

Dhe zogjtë e malit e dinin se Pavarësia e Shqipërisë është dashur të shpallet në qytetin e Shkupit

Nga: Sulejman Mehazi Më: 28 nëntor 2021 Në ora: 23:40
Sulejman Mehazi

Argumentet faktike tregojnë se Pavarësia e Shqipërisë u shpall në breg, në skaj apo qosh të detin, në Vlorë, vetë vendi i Pavarësisë së Shqipërisë tregon se ka pasur inate mosmarrëveshjes se në cilin vend e qytet të shpallet Pavarësia, në kryeqendrën e Vilajetit të Kosovës, në Shkup, që ishte e rrezikuar nga serbët, apo në qytetet tjera shqiptare që nuk ishin të rrezikuar as nga serbët e as nga grekët, sikurse që ishte Vlora.

Si duket kjo Pavarësi e Shqipërisë në Vlorë doli shumë e dëmshme për shqiptarët që jetonin e jetojnë sot e kësaj dite jashta kufijve të Shqipërisë dhe e ka kuptimin e një feste vetëm të shqiptarëve brenda shtetit shqiptar e kurrsesi të popullatës shqiptare të Kosovës, Maqedonisë së Veriut e më gjerë.

Dhe zogjtë e malit e dinin se Pavarësia e Shqipërisë është dashur të shpallet në qytetin e Shkupit të Vilajetit të Kosovës, mirëpo inatet e nahijeve dhe Vilajeteve e bënë të veten që të anashkalohet Shkupi i Hasan Prishtinës i cili në qershor të 1912 mori Shkupit me ushtri e polici për të shpallur Pavaresinë e Shqipërisë në Shkup, dhe bandat politike të Shqipërisë shpejt e shpejtë e pa pëlqimin e shqiptarëve të Vilajetit të Kosovës e Manastirit e shpallën Pavarësinë gjysmake në Vlorë.

Këtë ndodhi politike e historike kombëtare të Pavarësisë së Shqipërisë në Vlorë e tregon miku im, Abdylxhemil Bambari, stërnipi i Xhemil Efendiut  të Tetovës, ku vëllai i Xhemil Efendi Bambarit, Bedaed Efendi Bambari, gjykatës e më vonë avokat ka qenë njëri ndër figurat më aktive të Pavarësisë së Shqipërisë në Shkup e kurrsesi në Vlorë dhe gjatë ftesës për shpalljen e Pavarësisë në Vlorë, juristi Bedaed Efendi Bambari nuk ka marrë pjesë dhe ka kundërshtuar reptësisht Pavarësinë e Ismail Qemalit në Vlorën e mbrojtur nga vetë shqiptarët dhe se ka qenë për Pavarësinë e Shqipërisë në qytetin e Shkupit të rrezikuar nga serbët, dhe se nuk është pajtuar me shumë patriotë tjerë të Pavarësisë së gjysmuar në Vlorë.

Bile aktivisti i pavarësisë së Shqiperisë, gjykatësi, avokati, anëtari i "Bësës" së Stambollit, miku i Ismail Qemalit, Sami e Abdyl Frashërit, Bedaed Efendi Bambari, tregon se deputetin e Perandorisë Osmane në largim, Ismail Qemalin, pasi shpall Pavarësinë në Vlorë, Sulltani i atëhershëm Abdylhamiti që ka përkrahur shqiptarët, jo që e ka qortuar, por edhe i ka ra me shuplakë Ismail Qemalit pse nuk e ka shpallur Pavarësinë në Shkupin e rrezikuar nga serbet, por në Vlorën e sigurtë e jo të rrezikuar nga askush.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat