Të lutem kryeministër Kurti, asnjë milimetër mos lësho pe, sepse dredhitë dhe mashtrimet e Vuçiqit janë të njëjta

Opinione

Të lutem kryeministër Kurti, asnjë milimetër mos lësho pe, sepse dredhitë dhe mashtrimet e Vuçiqit janë të njëjta

Dedë Preqi Nga Dedë Preqi Më 17 gusht 2022 Në ora: 12:13
Albin Kurti, Aleksandar Vuçiq; foto ilustrim nga "Bota sot"

Populli i Kosovës, reagon në përgjithësi ndaj politikës serbe dhe udhëheqjes së Serbisë, në dialog me Kosovën, e cila në vend të një marrrëveshje të zgjidhjeve të problemeve në mes palëve, qeveria e Serbisë, në krye me presidentin Vuçiq, vetëm se po i jep edhe më shumë shkas problemeve të reja, duke e nxitë popullatën serbe në Kosovë, që mos ti bendet qeverisë së këtij vendi dhe as ligjeve të saj.

Pala serbe që nga fillimi i negociatave në Bruksel dhe deri më tani nuk e ka realizuar dhe implementuar fare pak planin e marrëveshjeve të parapara, e cila vetëm merr kohë dhe përpiqet të neglizhohet apo ti mohojë ato marrëveshje si të tilla, duke iu bërë bishtërime takimeve me palën shqiptare.

Prandaj, në takimin e paraparë që ka caktuar BE-ja, me 18 gusht në Bruksel, në mes Kurtit dhe Vuçiqit, i thëmi kryeministrit Kurti, që mos të lëshojë pe, për asnjë milimetër, sepse dredhitë dhe mashtrimet e palës serbe dhe Vuçiqit, janë të njëjta, dhe në këtë rast, nëse nuk pala serbe nuk i plotëson kushtet e palës shqiptare, të cilat janë shumë të arsyeshme që të mirren parasysh ndjenjat e tyre që edhe mbas 22 vitëve, akoma i vuajnë plagët e luftës në shpirt dhe në trup.

Dhe qëllimet e këtij reagimi kanë bazëshmëri logjike e faktike të palës shqiptare, sepse shqiptarët janë viktimë e një lufte barbare që ka shkakëtuar Serbia ndaj tyre, dhe Serbia, po e luan edhe sot me ndjenjat e shqiptarëve, apo po e luan rrolin e satanit, e cila ndryshe paraqitet para bashkësisë ndërkombëtare, apo paraqitet si viktimë dhe ndryshe vepron dhe realizon marrëveshjet që shtrohen në Bruksel, në mes palëve.

Presidenti i Serbisë, Aleksandër Vuçiq, ishte bashkëpunëtor i ngushtë i kriminelit Millosheviq, i cili e dinë fare mirë rrolin e luftës barbare që është zhvilluar në Kosovë, gjatë vitëve 1998-99, dhe ky njeri i ka të gjitha informatat ushtarake dhe paramilitare të kësaj lufte të tmershme, dhe planet e këtij regjimi për shfarosjen gjenocide të këtij populli.

Në asnjë luftë njerëzore, kufomat e masakruara nuk janë bartur dhe transportuar me kilometra prej një vendi në vendin tjetër, vetëm kufomat e shqiptarëve të vrarë e të masakruar janë bartur prej atdheut të vet dhe janë hudhur nëpër varreza masive nëpër vendet e ndryshme të Serbisë dhe gjetiu, për ti fshehur gjurmat e krimeve, prej të cilëve janë edhe 1600 përsona të pa gjetur.

Kryetari i Serbisë, Aleksandër Vuçiq, u përpoq këto ditë që ta bindë botën se populli shqiptarë dhe kryeministri Kurti, sikur vetë po kërkojnë luftë, por bota demokratike këto propaganda të Vuçiqit, i cilësoi si një cinizëm ndaj këtij populli të vrarë e të masakruar deri më tani nga regjimi i Serbisë, i cili nuk ka qëllime primitive që ta sulmojë askënd, por përkundrazi po lufton për të zhvilluar shtetin e vet demokratik.

Prandaj, deri më tani u pa qartë se Vuçiqi, nuk është njeri i zgjidhjes së problemeve në mes palëve, dhe nuk është njeri paqësor që dëshmon të bëjë një paqë historike, për atë edhe zotëri Kurti, duhet të jetë shumë i kujdesshëm në laberintet e tij të rrezikshme, që mund ti paraqes palës shqiptare në Bruksel.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat