U shua Ingj. Sajmir Maloku i burgosur politik Burrel Spaç!

Opinione

U shua Ingj. Sajmir Maloku i burgosur politik Burrel Spaç!

Nga: Besim Ndregjoni Më: 14 gusht 2025 Në ora: 21:49
Besim Ndregjoni

U nda nga ne bashkevuajtsit e tije, nga Tirana e dashur, tiranasi ingjinjeri Sajmir Maloku, ai qe i solli Tiranes me shpikjen e tij Kanaqen, kur qytetaret e Tiranes shifni kanalet tekevizive italjane! U shua studenti qe mbaroi me medalje ari arsimin e larte, ingjinjeri i talentuar qe e nisi jeten e tije me dije dhe ne fund regjimi diktatorial e burgosi ne Burrel dhe Spac! Tirana ka nje intelektual me pak nje qendrestar antikomunist me pak, nje tiranas te mire e te ditur me pak! Ai qe u printe para bashkevuajtsve te vete ne shkurt te 91 ne rrezimin e monumentit te diktatorit!

Saimir Maloku sot përbën një dëshmi të gjallë të vuajtjes dhe mbijetesës në ferrin komunist shqiptar. Maloku me ekzistencën dhe tregimin e ferrit të tij, përpiqet të na rrëfejë e dëshmojë  mizorinë e komunizmit, pashpirthmërinë, ligësinë, çmendurinë, paligjshmërinë e sistemit, torturën e dhunën dhe mbi të gjitha ashpërsinë e egersinë deri në kafshëri të sistemit komuniste që tmerroi shqiptarët për 50 vjet. Saimir Maloku u akuzua prej regjimit komunist si spiun i 17 vendeve kapitaliste dhe agjent i anglezëve në veçanti. Me profesion inxhinjer elektronik në ushtri, Saimir Maloku u përndoq, u hetua, u shantazhua nga 120 spiunë dhe bashkëpunëtorë të Sigurimit të Shtetit dhe 9 hetues të regjimit. Saimir Maloku vuajti 9 vjet në burgjet më të egra dhe më të frikshme të diktaturës. Përveç dënimit, Maloku familjarisht vuajti po kaq vite survejim, gjurmim, përgjime dhe inskenime nga Sigurimi i Shtetit, bisha e tmerrshme që mbante në këmbë diktaturën staliniste nëpërmjet frikës, panikut, përndjekjes, dhunës, arrestimeve dhe tmerrit që ajo shkaktonte ngado.  Pas gjyqit të fals, Saimir Maloku u mbajt për 200 ditë nën tokë, nën ujë e baltë i fshehur prej komunistëve, në një kohë që familja e kërkonte në të gjitha burgjet e Shqipërisë. Saimir Maloku u burgos për 9 vite nga ish-Sigurimi i Shtetit nën akuzën e agjitacionit dhe propagandës për shkak të shpikjes së një pajisjeje Kanoçe që shërbente si antenë televizioni për të parë stacione të huaja për të cilat komunizmi i ndalonte rreptësisht. Në komunizëm duhej parë dhe ndjekur vetëm ato që thoshte partia e punës. Çdo tentativë tjetër të dërgonte direkt në burg. Nëse nuk i bindeshe partisë, ishe armiku më i poshtër i klasës dhe pushtetit, partisë e popullit. Komunizmi kontrollonte gjithçka e çdo gjë deri edhe te shijet e njerëzve. Gjithçka që nuk mirtohej nga partia-shtet shpallej e ndaluar, e rrezikshme dhe e dënueshme. Bashkëvuajtës të Saimir Malokut ishin Dom Simon Jubani, At Zef Pllumi, Imzot Frano Ilia, Dom Ndoc Sahatçija, Kardinal Ernest Simoni, Kardinal Mikel Koliqi, Dom Nikollë Mazreku etj. Dëshmi persekutimi në ferrin komunist si e Saimir Malokut e shumë shqiptarëve që vuajtën padrejtësishtm janë pasyrë e errët e tmerrin dictatorial. Nxjerrja në dritë e kësaj errësirë makabre është një çlirim jo vetëm për shpirtin e atyre që vdiqën por edhe të atyre që qëndruan heroikisht si Saimir Maloku e mijëra bashkëvuajtës të kohës!

Lamtumire mik bashkevuajtes qendrestar Sajmiri yne!

Besim Ndregjoni

President i Unionit Mbarkombetar Integrimit te Burgosurve dhe te Perndjekurve Politik te Shqipersë

comment Për komente lëvizni më poshtë
Sot mund të lexoni Shfletoni kopertinat