Kush është modelja që u bë virale me rolin tek seriali më i shikuar Squid games?

Bota e Yjeve

Kush është modelja që u bë virale me rolin tek seriali më i shikuar Squid games?

Më: 13 tetor 2021 Në ora: 15:43
HoYeon Jung

HoYeon Jung nuk do të jetë më vetëm një modele e shquar koreane, por gjithashtu edhe aktore. Madje e njohur në Kore dhe kudo në botë. Kjo falë rolit të saj të parë si aktore. HoYeon i tha “Po” ftesës për të marrë pjesë në serialin “Squid Game” që rezultoi të jetë më i ndjekuri i Netflix me 111 milionë shikime për 3 javë.

Kush është HoYeon Jung?

HoYeon Jung ka më shumë se 10 vjet përvojë në pasarelat e modës. Ajo gjithashtu është shfaqur në kopertinat e shumë botimeve dhe revistave prestigjioze.

Image

 

HoYeon Jung e filloi karrierën e saj të modelimit në moshën 16 vjeç. Në atë kohë, ajo nuk nënshkroi me asnjë agjenci, por ishte aktive si një modele e pavarur. Falë tipareve të saj të jashtëzakonshme aziatike dhe një gjatësie ideale, HoYeon Jung shpejt pati rastin të shfaqej në shumë shfaqje në Javën e Modës në Seul për 2 vjet rresht.

Ka fituar çmime në Kore dhe është vlerësuar nga revista Vogue për trupin dhe talentin si modelja më e mirë e Koresë.

Image

 

HoYeon Jung u bashkua zyrtarisht me Esteem Models, agjencinë më të madhe të modelimit në Kore. Modelja 27-vjeçare ka një mbulim mbresëlënës në media. Ka arritur sukses të madh në tregun ndërkombëtar të modës. Vazhdimisht ftohet për t'u shfaqur në pasarelat e markave luksoze të modës si Gucci, Fendi, Chanel ose Louis Vuitton. Me më shumë se 10 vjet përvojë, HoYeon Jung aktualisht konsiderohet 'thesari' i industrisë koreane të modelimit. Ajo është renditur në mesin e 50 modeleve më të mira të votuara nga models.com.

2021-shi është një moment historik i rëndësishëm në karrierën e HoYeon Jung. Ajo mori rolin e Kang Sae Byeok, e arratisur nga Koreja e Veriut hyn në lojën ku premtohen miliarda. Aty mban numrin 067. Kang Sae dëshiron t`i fitojë paratë me shpresën që të nxjerrë vëllain nga jetimorja e të jetojnë bashkë në një shtëpi. Babain ia kanë vrarë në Korenë e Veriut, kurse nënën e arrestuan teksa përpiqej të kalonte kufirin.

Edhe pse është hera e parë që aktron në një dramë, HoYeon Jung ka portretizuar në mënyrë të shkëlqyer personazhin që është i ftohtë nga jashtë, por që ka një personalitet të thellë nga brenda.

Image
Squid games

 

Përveç karrierës së saj të suksesshme, në lidhje me jetën e saj personale, aktorja dhe modelja 27-vjeçare ka një lidhje 5-vjeçare me Lee Dong-Hwi aktorin që luan në Reply 1988. Ajo është 9 vjeç më e vogël se i dashuri i saj, por të dy janë duke jetuar një histori të bukur dashurie. HoYeon Jung është gjithashtu shoqe e ngushtë me Jennie të Blackpink.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat