Gwen Stefani ka folur për rezidencën e ardhshme të No Doubt në Sphere dhe shprehu dëshirën që të krijojë një atmosferë “shumë nostalgjike” për fansat. Ajo ishte e ftuar të mërkurën në “The Tonight Show” me Jimmy Fallon.
“Jemi shumë të emocionuar,” tha Stefani. “Bëmë Coachella-n dhe ishte thjesht e pabesueshme. Ne gjithmonë bëjmë gjithçka ngadalë, por kemi folur për vite me radhë për të gjetur diçka që të ishte po aq e mirë, dhe mendoj se Sphere është e ardhmja. Është njëfarë ndërthurjeje midis një koncerti dhe një filmi.”
Ajo gjithashtu foli për atmosferën që bendi dëshiron të krijojë me këtë rezidencë.
“Mendoj se qëllimi — dmth, bileta u shitën menjëherë; na kanë mbetur edhe gjashtë shfaqje — dua që njerëzit të vijnë dhe ta ndjejnë shumë nostalgjik, sikur të jenë kthyer në kohë, si ‘E mbani mend këtë? E mbani mend këtë, djem? Kjo është ajo që kemi bërë së bashku,’” tha Stefani.
Ata janë pjesë e madhe e jetës sonë, dhe duam t’i shohim këtu në Las Vegas.”
Rezidenca e Sphere duket se do të sjellë një përzierje të muzikës dhe imazheve vizuale që do të rikthejnë fansat në momentet më të bukura të karrierës së No Doubt.
