Sabrina Elba shkëlqeu me një paraqitje mahnitëse teksa mori pjesë në premierën e Avatar: Fire and Ash në BFI IMAX në Waterloo, Londër, të enjten, ndërsa bashkëshorti i saj, Idris Elba, i bëri një homazh emocionues nga Arabia Saudite.
Modelja kanadeze, 36 vjeçe, tërhoqi vëmendjen me një fustan elegant të bardhë, me supe të zbuluara, ndërsa pozonte përpara kamerave në tapetin e kuq, shkruan "Daily Mail", transmeton "Bota sot".
Ajo kompletoi pamjen me sandale të zeza me rripa që i shtonin gjatësi siluetës, si dhe me vathë të shumtë prej diamanti në nuanca argjendi.
Avatar: Fire and Ash është filmi i tretë i sagës së planifikuar prej kohësh nga James Cameron, pas suksesit rekord të filmit origjinal të vitit 2009 dhe vazhdimit Avatar: The Way of Water të vitit 2022.
I shkruar nga James Cameron së bashku me Rick Jaffa dhe Amanda Silver, filmi vazhdon sagën e Jake Sully dhe Neytiri, teksa ata përballen me rreziqe të reja ndaj familjes së tyre dhe botës që i rrethon.
