Modelja Bella Hadid prezantoi një stil të ri flokësh teksa mori pjesë në prezantimin e Miss Sixty gjatë Milan Fashion Week të premten.
Modelja 29-vjeçare u shfaq me balluke të plota për këtë event dhe u fotografua e buzëqeshur, e veshur me një kombinim “double denim”.
Bella kishte zgjedhur një xhaketë xhinsi me zinxhir përpara, të cilën e kishte kombinuar me një palë xhinse të gjera në stil vintage.
Ajo kishte veshur poshtë një bluzë të bardhë me jakë të lartë dhe e kishte kompletuar pamjen elegante me taka të kuqe me rripa dhe syze dielli me xhama të errët.
Ngjarja e modës u rikthye këtë javë në kryeqytetin italian të modës dhe do të zgjasë deri më 2 mars, ku markat më të njohura luksoze prezantojnë koleksionet e tyre për sezonin Vjeshtë/Dimër 2026–2027.
Bella zakonisht është një figurë e përhershme në pasarela në Milano, por së fundmi ka bërë një pauzë për shkak të betejës së saj me sëmundjen Lyme.