Helen Flanagan futet në rolin e Aladdinit mes vështirësive financiare

Bota e Yjeve

Helen Flanagan futet në rolin e Aladdinit mes vështirësive financiare

Nga: Bota sot Më: 17 shtator 2026 Në ora: 20:31
Helen Flanagan

Helen Flanagan u fut në personazhin e Shpirtit të Unazës së Aladdinit, teksa po përgatitet për sezonin e pantomimave, në një periudhë kur po përballet me “vështirësi financiare”.

Ish-aktorja e serialit “Coronation Street”, 36 vjeçe, pritet të luajë në shfaqjen “Aladdin” në Parr Hall, në Warrington, së bashku me aktorin tjetër të “Corrie”, Steven Arnold.

Shfaqja do të mbahet nga 30 dhjetori deri më 10 janar, ndërsa biletat për ta parë Helenin në skenë kushtojnë nga 9 deri në 20 paund.

Pantomimat e Krishtlindjeve janë ndër angazhimet më fitimprurëse për personazhet e njohur, duke u mundësuar atyre të fitojnë shuma marramendëse vetëm për disa javë punë.

Image

Alison Hammond më parë kishte fituar një shumë të jashtëzakonshme prej 195 mijë paundësh për paraqitjet e saj në pantomima, ndërsa Scott Mills kishte arkëtuar 190 mijë paund.

Helen ka folur muajt e fundit për problemet e saj financiare si nënë e vetme dhe së fundmi ka shitur shtëpinë që ndante me ish-partnerin e saj, Scott Sinclair.

Image
Sot mund të lexoni Shfletoni kopertinat