Joao Cancelo po përgatitet për sfidën e fundjavës që City i tij do të luajë kundër rivalëve të Manchester United në fundjavë. Do të jetë një derbi me shije të veçantë, duke parë se do të përballen dy ekipet e para të renditjes.
“Sekreti ynë? Shihet në fushë. Nëse dikush gabon, do të jetë gjithmonë një shok i skuadrës që do të vrapojë për ta ndrequr gabimin. Jemi një grup shumë i mirë dhe e ndihmojmë njëri -tjetrin”, ka thënë Cancelo për kanalet zyrtare të klubit.
Në lidhje me derbin:
“Duam të fitojmë, ne stërvitemi për t’i fituar të gjitha ndeshjet. Një derbi është gjithmonë një derbi. Nuk e prisja një diferencë kaq të madhe në renditje. Megjithatë, e përsëris, besoj se është gjithçka fryt i punës sonë”.
