Presidenti i Atletico Madridit, Enrique Cerezo është bërë viral në rrjetet sociale pas një deklarate, ku ngatërroi portierin Jan Oblak me sulmuesin e Real Madridit, Karim Benzema.
Benzema sonte (e diele) shënoi golin vendimtar në barazimin ndaj Atleticos, ndeshje ku shkëlqeu Oblak me disa super pritje.
I pyetur nëse do t’i ofrojë kontratë të përjetshme Oblakut, Cerezo tha se Benzema është portieri më i mirë në botë.
“Benzema është portieri më i mirë në botë, më i miri. Pastaj vijnë portierë të mirë në Barcelonë, Madrid, që edhe kanë qenë pjesë e jona”, tha ai.
Atletico momentalisht është lider në La Liga me 59 pikë, tre më shumë se Barcelona dhe pesë se Reali, derisa kanë edhe një ndeshje më pak të zhvilluar.