Te Lazio nuk ka kaluar ende tronditja pas lajmit të trishtë që kanë marrë vetëm pak ditë më parë. Futbollisti i U-19 së tyre, Daniel Guerrini, do të ndërronte jetë në një aksident automobilistik.
Kështu ëndrra është prerë në mes për t’u bërë futbollist i njohur gjerësisht, ndërsa Igli Tare është shprehur për “Radio Sei” se te Lacio do ta kujtojnë duke përgatitur diçka të veçantë.
Drejtori sportiv i kryeqytetasëve e ka mësuar lajmin e hidhur nga djali i tij, Etiene Tare, që ishte shok skuadre me Daniel Guerrinin. “Lajmin ma dha djali im. Ishte goditje e rëndë, tragjedi.
Humbi jetën në moshën 19-vjeç dhe kjo lë shenja tek të gjithë ne. Mora familjen të nesërmen dhe e ngushëllova. I gjithë ekipi ishte i lidhur, Guerrini ishte i joni.
Në fushë shfaqte talentin e madh teknik dhe kishte aftësi për të goditur portën. Do të bëjmë diçka për ta kujtuar se ishte i Lacios”, u shpreh Igli Tare.
