Futbollisti nga Kosova, Blendi Idrizi, regjistron ndeshjen e dytë dhe shënon golin e parë në Bundesliga I.
Ai me Schalken 04 zhvilluan ndeshjen e fundit si vendas në Bundesliga, duke shënuar fitoren me rezultat 4:3 kundër Eintracht Frankfurtit.
Idrizi bëri paraqitje të mirë, shënoi në minutën e 52-të nga rreth 16 metra në këndin e poshtëm të djathtë.
Për Schalken shënuan Huntelaar (15'), Idrizi (52'), Flick (60') e Hoppe (64') dhe për Eintrachtin An. Silva (29' e 72’) dhe N'Dicka (51').
Idrizi u zëvendësua në minutën e 77-të. Edhe Shkodran Mustafi u paraqit standard për Schalken.
Eintracht është në vend të pestë me 57 pikë dhe Schalke në fund me 13 sosh.
