Dramë për Pippo Inzaghi!

Futboll

Dramë për Pippo Inzaghi!

Më: 16 maj 2021 Në ora: 18:47
Dramë për Pippo Inzaghi!

Një dramë e vërtetë u konsumua sot pasdite në ndeshjen e Serie A mes Benevento dhe Crotone, duke qenë se skuadra vendase që kishte nevojë për 3 pikët për të mbajtur shpresat ndezur për mbijetesë deri në javën e fundit, u barazua në sekondat e fundit nga Crotone që ka prerë me kohë biletën.

Simy, golashënuesi i Crotones dhe një ndër zbulimet e Serie A këtë sezon, ka shënuar një gol vërtet vrastar në minutën e 93-të të ndeshjes edhe pse skuadra e tij ka luajtur më shumë se një orë me dhjetë futbollistë…

Benevento kaloi përpara me Lapadula pas minutës së 13-të dhe shpërdoroi shumë raste, aq sa ju anulua edhe një gol.

Por, në fund, ndoshta ulja e përqendrimit, solli golin e miqve. Me këtë rezultat, Cagliari shpëton zyrtarisht dhe në “San Siro” sonte ndaj Milanit nuk ka motivim për të marrë pikë përveç se sportiv…

Në anën tjetër, trajneri i Beneventos, Pippo Inzaghi, ka vetëm një shpresë: që i vëllai Simone te Lazio të mundë Torinon në mesjavë, në mënyrë që në ndeshjen e fundit të dy ekipet (Torino dhe Benevento) të luajnë mbijetesën në ndeshjet direkte.

Shfaq komentet
comments powered by Disqus
Sot mund të lexoni Shfletoni kopertinat