Zyrtare: Sami Sermaxhaj largohet nga Drenica, nuk gjejnë gjuhën e përbashkët

Futboll

Zyrtare: Sami Sermaxhaj largohet nga Drenica, nuk gjejnë gjuhën e përbashkët

Më: 7 qershor 2021 Në ora: 14:25
Sami Sermaxhaj

Sami Sermaxhaj ka mbyllur aventurën e tij te skuadra nga Skenderaj, Drenica.

“Kuqezinjtë” dhe trajneri kosovar nuk kanë gjetur gjuhën e përbashkët për vazhdimin e bashkëpunimit dhe kësisoj kanë rënë dakord që të “divorcohen”.

Lajmin e kanë bërë të ditur në faqen zyrtare të klubit nga Skenderaj në Facebook.

Klubi drenicas ka falënderuar Sermaxhajn për kontributin e dhënë, teksa kanë njoftuar se tashmë janë në kërkim të një trajneri të ri.

Sami Sermaxhaj u angazhua te Drenica në muajin mars pas largimit të Bledar Devollit dhe arriti të shpëtonte klubin drenicas nga rënia.

Njoftimi i plotë i Drenicës:

“Klubi dhe Sermaxhaj, nuk vazhdojnë bashkëpunimin!

Skenderaj  –  07.06.2021

Pas bisedave mes drejtuesve të klubit dhe trajnerit, Sami Sermaxhaj, nuk është arritur marrëveshja për vazhdimin e bashkëpunimit për edicionin e ardhshëm.

Drejtuesit e klubit dhe trajneri nuk kanë arritur marrëveshje për vazhdimin e bashkëpunimit me trajnerin Sermaxhaj, dhe kësisoj klubi tashmë është venë në kërkim të një trajneri të ri për edicionin 2021/2022.

Klubi futbollistik ‘Drenica’, e falënderon trajnerin Sami Sermaxhaj për kontributin dhe angazhimin e dhënë për KF Drenica gjatë kësaj kohe, dhe i uron suksese në të ardhmen.

Drejtuesit e klubit, janë të angazhuar që shumë shpejt ta emërojnë trajnerin e ri për edicionin e ardhshëm”.

comment Për komente lëvizni më poshtë
Sot mund të lexoni Shfletoni kopertinat