Lazio shumë pranë zyrtarizimit të talentit argjentinas i datëlindjes 2004, Luka Romero.
Djaloshi 16-vjeçar sapo të kalojë me sukses vizitat mjekësore paraditen e së hënës, do të hedhë të zezën mbi të bardhë.
Romero konsiderohet një talent me shumë perspektivë, ndaj dhe shumë klube të rëndësishme në Europë e kishin nën vëzhgim.
Ai ka luajtur 6 ndeshje gjithsej me Mallorcan në Seguna Division sezonin e kaluar ndërsa 15 aktivizime i ka regjistruar me Mallorca B, në Kategorinë e Tretë.
Këtë të hënë Romero pritet vizitojë klinikën Paideia për të kryer ekzaminimet mjekësore, më pas do të vijë nënshkrimi i kontratës dhe udhëtimi drejt Auronzo di Cadore, ku vijojnë përgatitjet parasezonale bardhekaltrit.
