Pasi siguroi shërbimet e Pau Lopez e Cengiz Under, Olimpique Marseille hedh sërish sytë nga Roma për të përforcuar skuadrën gjatë merkatos së janarit.
Sipas raportimeve të fundit, klubi francez ka nisur bisedimet me manaxherët e Amadou Diawara për të kuptuar nëse futbollistit do t’i pëlqente të transferohej në Ligue 1.
24-vjeçari ndiqet me interes edhe nga gjermanët e Eintracht Frankfurtit, të cilit nuk janë dorëzuar sa i takon lojtarit, të cilin e ka kërkuar edhe më parë.
Marseille ka nisur tratativat me menaxherët e lojtarit, por jo me Romën, që zotëron kartonin e futbollistit, kështu që klubi gjerman, gjatë janarit, i ka të gjitha mundësitë për të mposhtur konkurrencën e francezëve për futbollistin nga Guinea.
