Bayerni “blindon” portën

Futboll

Bayerni “blindon” portën

Më: 23 janar 2022 Në ora: 11:03
Bayerni “blindon” portën

Manuel Nojer i ka thënë “po” rinovimit të kontratës me Bajernin e Mynihut. Kapiteni dhe portieri i kampionëve të Gjermanisë do të luajë në Mynih deri në qershor 2025.

Këtë e bëri të ditur dje e përditshmja “Bild” e cila zbuloi të ardhmen e 35-vjeçarit. Kontrata aktuale e Nojerit skadon më 30 qershor të 2023-shit. Gjithçka pritet të bëhet zyrtare në muajt e ardhshëm me Nojerin që me shumë mundësi do të mbyllë karrierën me skuadrën bavareze.

Edhe trajneri Julian Nagelsman u shpreh në konferencën për shtyp për rëndësinë që ka rinovimi i Nojerit për skuadrën e Bajernit edhe pse trajneri mohoi të dinte gjë për kontratën që sipas tij duhet të merren persona të tjerë.

Manuel Nojer iu bashkua Bajernit në vitin 2011 kur erdhi për shumën e 30 milionë eurove nga skuadra e Shalkes. Nojer ka fituar gjithçka në Mynih, përfshi dhe Kupën e Botës me Gjermaninë në 2014.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat