Laporta në Madrid për Moratën

Futboll

Laporta në Madrid për Moratën

Më: 28 janar 2022 Në ora: 18:49
Laporta në Madrid për Moratën

Barcelona ende nuk ka hequr dorë nga objektivi i madh për sulmin. Konfirmimi i mëtejshëm vjen nga agjenti i futbollistit spanjoll, Huanma Lopez. Intensifikimi i negociatave ka ardhur me vizitën e presidentit Zhoan Laporta te Atletiko Madridi.

Sipas “El Chiringuito de Jugones”, numri një i Barcelonës, mbrëmjen e djeshme ka fluturuar drejt Madridit, për të tentuar personalisht të zhbllokojë negociatat.

Për momentin nuk ka asnjë marrëveshje mes dy klubeve për formulën dhe kostot e transferimit, megjithatë po punohet fort në këtë drejtim, pasi vetë Morata duket i vendosur të kalojë në “Camp Nou”.

Ndërkohë, Adama Traore është në Barcelonë. Anësori ofensiv ka arritur me fluturim nga Dubai dhe në këto minuta po kryen ekzaminimet mjekësore. Më pas do të firmosë me Barcelonën, e cila ka arritur marrëveshje me Vulverhamptonin për huazimin e tij, me të drejtë blerjeje për 30 milionë euro.

Lojtari, për t’u veshur blaugrana, ka pranuar një shkurtim të rëndësishëm rroge, për të qenë brenda parametrave të klubit katalanas.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat