Interi pret Sasuolon mes dilemash

Futboll

Interi pret Sasuolon mes dilemash

Më: 20 shkurt 2022 Në ora: 11:22
Interi pret Sasuolon mes dilemash

Pasditen e sotme, Interi do të zbresë në fushë kundër Sasuolos në një ndeshje që vjen në një nga momentet më të vështira të zikaltërve.

Me dy pikë më pak se kryesuesit e Milanit edhe pse Interi ka dy ndeshje më pak, për djemtë e Inzagit minutat kundër Sasuolos duhet të shërbejnë si reagim pas Napolit dhe Liverpulit.

Por, ndërsa shpresohej se Gjykata e Apelit do të vendoste në favor të Bastonit pas kërkesës për të anuluar pezullimin e tij prej dy ndeshjesh, vendimi i ardhur ditën e djeshme nuk i ka kënaqur milanezët, shkruan Panorama sport.

Mbrojtësi do të kapërcejë edhe ndeshjen me zijeshilët pas Napolit dhe përveç tij, trajnerit Inzagi do t’i duhet të bëjë edhe pa Marselo Brozoviçin e skualifikuar për shkak kartonësh.

Vendin e kroatit pritet ta marrë Vidal, kurse atë të italianit Dimarko, por një tjetër dilemë e teknikut vazhdon të jetë shoku i repartit të Xhekos.

Mes Sançzeit e Lautaros ka ende një balotazh, të cilit Inzagi do t’i japë fund vetëm ditën e ndeshjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat